Politika e kukive të Workplace
Kjo Politikë e kukive të Workplace (“Politika e kukive”) shpjegon se si i përdorim kukit dhe duhet lexuar në lidhje me Politikën e privatësisë të Workplace e cila do të vlejë për përpunimin tonë të të dhënave personale që mbledhim nëpërmjet kukive. Kjo Politikë e kukive nuk zbatohet kur vizitoni sajtin tonë të uebit të marketingut dhe informacioneve për publikun, workplace.com (“sajti i Workplace”).
Kukit dhe teknologjitë e tjera të ruajtjes
Kukit janë pjesë të vogla teksti që përdoren për ruajtjen e informacioneve në shfletuesit e uebit. Kukit përdoren për të ruajtur dhe për të marrë identifikuesit dhe informacione të tjera në kompjuterë, telefona dhe pajisje të tjera. Teknologjitë e tjera, duke përfshirë të dhënat që ruajmë në shfletuesin e uebit ose pajisjen tuaj, identifikuesit e lidhur me pajisjen tuaj dhe softuerët e tjerë, përdoren për qëllime të ngjashme. Në këtë politikë, ne u referohemi të gjitha këtyre teknologjive si “kuki”.
Ku i përdorim kukit?
Ne mund t’i vendosim kukit në kompjuterin ose pajisjen tuaj dhe të marrim informacionet e ruajtura te kukit, kur përdorni produktin Workplace në linjë që ua ofrojmë klientëve tanë (organizata për të cilën punoni ose e cila ju pajisi me llogarinë tuaj), i cili i lejon përdoruesit të bashkëpunojnë dhe të ndajnë informacione në punë, duke përfshirë produktin Workplace, aplikacionet dhe shërbimet përkatëse në linjë (së bashku, "Shërbimet e Workplace").
Sa kohë zgjasin kukit?
Të gjitha kukit kanë data skadimi që përcaktojnë se për sa kohë qëndrojnë në shfletuesin ose pajisjen tuaj dhe ato mund të ndahen në dy grupe:
- Kukit e sesionit - këto janë kuki të përkohshme që skadojnë (dhe fshihen automatikisht) sa herë që mbyllni shfletuesin.
- Kukit e përhershme - këto kanë zakonisht një datë skadimi, kështu që qëndrojnë në shfletuesin tuaj derisa të skadojnë ose derisa t’i fshini manualisht.
Pse i përdorim kukit?
Kukit na ndihmojnë të ofrojmë, të mbrojmë dhe të përmirësojmë Shërbimet e Workplace, si p.sh. duke personalizuar përmbajtjen dhe duke ofruar një eksperiencë më të sigurt.
Veçanërisht, ne i përdorim ato për qëllimet në vijim:
| Lloji i kukit | Qëllimi |
|---|---|
| Vërtetimi | Ne i përdorim kukit për të verifikuar llogarinë tuaj dhe për të përcaktuar se kur keni hyrë, në mënyrë që ta bëjmë më të lehtë për ju të keni akses te Shërbimet e Workplace dhe t’ju shfaqim eksperiencën dhe veçoritë e duhura. Për shembull: Ne i përdorim kukit për të na ndihmuar që të mbajmë mend shfletuesin tuaj, që të mos nevojitet të hyni vazhdimisht në Shërbimet e Workplace. |
| Siguria, integriteti i sajtit dhe i produktit | Ne i përdorim kukit për të na ndihmuar që të mbrojmë dhe të mbajmë të sigurta llogarinë, të dhënat tuaja dhe Shërbimet e Workplace. Për shembull: Kukit mund të na ndihmojnë të identifikojmë dhe të vendosim masa sigurie shtesë kur dikush mund të përpiqet të ketë akses pa autorizim te një llogari e Workplace, për shembull, duke provuar me shpejtësi fjalëkalime të ndryshme. Ne i përdorim po ashtu kukit për të ruajtur informacionet që na lejojnë të rikuperojmë llogarinë tuaj në rast se keni harruar fjalëkalimin ose për të kërkuar vërtetime shtesë nëse na tregoni se llogaria juaj është piratuar. Ne i përdorim po ashtu kukit për të luftuar aktivitetet që shkelin politikat tona ose përkeqësojnë në një mënyrë tjetër aftësinë tonë për të ofruar Shërbimet e Workplace. |
| Veçoritë dhe shërbimet | Ne i përdorim kukit për të ofruar funksionalitetin që na ndihmon të ofrojmë Shërbimet e Workplace. Për shembull: Kukit na ndihmojnë të ruajmë preferencat, të dimë se kur keni parë ose keni ndërvepruar me përmbajtjen e Workplace dhe provCookies na ndihmojnë të ruajmë preferencat, të dimë se kur keni parë ose keni ndërvepruar me përmbajtjen e Workplace dhe t’ju ofrojmë përmbajtje dhe eksperienca të përshtatura. Ne i përdorim po ashtu kukit për t’ju ofruar përmbajtje të përshtatshme për parametrat tuaj lokalë. Për shembull: Ne ruajmë informacione në një kuki që vendoset në shfletuesin ose në pajisjen tuaj që të mund ta shikoni shërbimin në gjuhën që zgjidhni. |
| Rendimenti | Ne i përdorim kukit për t’ju ofruar eksperiencën më të mirë të mundshme. Për shembull: Kukit na ndihmojnë në rrugëtimin e trafikut midis serverëve dhe për të kuptuar se sa shpejt ngarkohen Shërbimet e Workplace për persona të ndryshëm. Kukit na ndihmojnë po ashtu për të regjistruar raportin dhe përmasat e ekranit dhe dritareve tuaja dhe për të ditur nëse keni aktivizuar modalitetin e kontrastit të lartë, që të mund t’i interpretojmë saktë sajtet dhe aplikacionet tona. |
| Analitika dhe kërkimi | Ne përdorim kukit për të kuptuar më mirë se si i përdorin njerëzit Shërbimet e Workplace, që të mund t’i përmirësojmë ato. Për shembull: Kukit mund të na ndihmojnë të kuptojmë se si i përdorin njerëzit Shërbimet e Workplace, të analizojmë se cilat pjesë të Shërbimeve të Workplace janë më të dobishme dhe tërheqëse për njerëzit dhe të identifikojmë veçoritë që mund të përmirësohen. |
Çfarë kukish përdorim ne?
Kukit që përdorim përfshijnë kukit e sesionit, të cilët fshihen kur mbyllni shfletuesin, si dhe kukit e përhershme, të cilat qëndrojnë në shfletuesin tuaj derisa të skadojnë ose derisa t’i fshini.
Ne vendosim vetëm kuki të palëve të para te Shërbimet e Workplace. Kukit e palëve të treta nuk vendosen te Shërbimet e Workplace.
Si mund ta kontrolloni përdorimin e kukive prej nesh
Shfletuesi ose pajisja juaj mund të ofrojë parametra që ju lejojnë të zgjidhni nëse vendosen kukit e shfletuesit dhe t'i fshini ato. Për më shumë informacione mbi këto kontrolle, vizitoni materialin e ndihmës të shfletuesit ose pajisjes suaj. Pjesë të caktuara të Shërbimeve të Workplace mund të mos funksionojnë si duhet nëse keni çaktivizuar përdorimin e kukive të shfletuesit.
Data e rishikimit të fundit: 10 qershor 2022
